నల్లని మేఘం గొల్లుమని నవ్వినపుడు...
నింగి రహదారి మీద రెక్కలు లేని పక్షులై
పచ్చని ఆకుల మీద పసిరి అక్షరాలై
కొమ్మ, రెమ్మల మీద కొంటె కోణంగిలై
పూల చెంపలమీద అదరాల ముద్రలై
చిత్తడినేల మీద చిటపటల సరిగమలై
చెరువు నీటి మీద చుక్కల ముగ్గులై
తామరాకుల మీద తప్పెటలాటలై
ముత్యపుచిప్పల కౌగిలిలో పుత్తడిబొమ్మలై
ముత్యాల చినుకులు నేలకు విచ్చేసాయి..
జడివాన ఉయ్యాలలో మనసును లాలించాయి!